昂坪@齋點心

昂坪兩日一夜遊，第二天，到寶蓮寺一遊。

齋堂收費按人頭計算，四人餐，有每人$100或每人$150的提定套餐選擇。然而，大家肚子仍未餓，只想吃點小吃。

友人遠遠地看見前方的「寶蓮寺小食亭」，櫥櫃中，陳列了各式各樣的齋點、糕點和飲品，價錢大眾化，選擇又多。相對早一日在昂坪市集的連續「中伏」，這兒的小吃，可說是教我們稱心滿意的﹗

貪得無厭的我們，想試多幾款小吃，就幾乎每款都取一件，再搵個近風扇的位置坐下慢慢品嚐。

熱豆腐花$12/碗，豆味不算太過突出，然，質感細滑，配上黃糖和薑汁，好吃。豆漿$10甜度適中，入口富豆香。炸春卷$8，內裏的餡料盡是素菜，炸得香脆而不油不膩；鹹水角$8和煎堆仔$8，皮薄餡靚，值得一試。蓮蓉西米布甸$8和雪耳糕$8，可說是亮點之一，前者外焦脆內香軟，後者爽彈富咬口。鹹茶果$8稍嫌皮太厚身了少許，而豆莎水晶餅$8和蘿蔔糕屬正常之作。燒餅$8失準也，外皮頗為乾韌，稱不上軟糯煙韌也。